Sunda_Kecap Kantetan

3. Kecap Kantétan

 Kecap kantétan nya éta dua kecap atawa leuwih nu dihijikeun sarta miboga harti nu mandiri. Kecap kantétan dibagi jadi dua, nya éta:

a.       rakitan dalit (compositum)

nya éta dua kecap nu teu bisa dipisahkeun atawa diselapan kecap-kecap séjén. Contona: kacapiring, teu bisa dipisahkeun jadi kaca jeung piring, nya kitu deui rajapati, gandawesi, jrrd.

b.      rakitan anggang (anéksi)

nya éta kecap kantétan nu bisa diselapan ku sawatara kecap.

Conto:   sangu poé              sangu meunang moé,

              dahar isuk              dahar waktuna isuk,

              wajit Cililin              wajit buatan Cililin, jrrd

Nilik kana hartina, kecap kantétan dibagi :

1)      nu satata atawa saharkat;

kolot-budak, gedé-leutik, beurang-peuting, isuk-soré, beunghar-malarat.

2)      sinonim. Contona;

paksa-pirusa, sugih-mukti, méré-mawéh, duduga-peryoga, geuleuh-keumeuh.

3)      nuduhkeun bilangan;

dua-welas, lima-karung, tuju-rébu, dua-boboko, tilu-puluh, jrrd.

4)      nuduhkeun babasan;

tiis-ceuli, laér-gado, panjang-leungeun, hampang-leungeun, jrrd.

5)      nuduhkeun waktuna;

dahar-beurang, indit-soré, mandi-isuk, jrrd.

6)      nuduhkeun lantaran;

paéh-ngajuru, meuli-bogoh, sangsara-dihaja, labuh-titajong, jrrd.

7)      nuduhkeun dijieunna;

korsi-hoé, peti-beusi, keusik-Ciharus, samping-Majalaya, jrrd.

8)      euweuh patalina/ngaran barang;

panonpoé, gandawesi, indung késang, indung beurang, indung peuting.

9)      nuduhkeun sipat/kaayaan;

bongkok-méongeun, harigu-manukeun, hulu-petieun, jrrd.